12 илјади денари ќе им се доделат на средношколците кои потекнуваат од семејства во социјален ризик, приматели на социјална помош доколку редовно посетуваат настава. Државата го објави јавниот повик, а граѓаните можат да аплицираат до 30 септември во центрите за социјални работи.

За да се реализира оваа активност за учебната 2016/17 државата има обезбедено средства од 72 милиони денари, а ќе бидат бидат подржани 6000 средношколци.

-Се предвидува ова парично право да се рализира квартално со исплата на финансиската поддршка на мајките на децата. Сите оние кои што редовно посетуваат настава, посетуваат повеќе од 85 % на часовите ќе  добијат дополнителна финансиска поддршка, рече  министерот за труд и социјална политика Диме Спасов.

Досегашните корисници на условен паричен насоместок потребно е за оваа година повторно да аплицираат во Центри за социјална работа.

-Оваа програма се реализира од учебната 2010/2011 година . Досега се рализирани вкупно 409 милиони денари или финансиски се поддржани околу 46000 корисници на право на условен паричен надоместок, рече Спасов.

Додади коментар

▼