ВМРО-ДПМНЕ продолжува да шири лажни вести за Нацрт – Стратегијата за бегалци со што предизвикува непотребна паника и вознемиреност помеѓу граѓаните. Граѓаните да бидат спокојни и да не подлегнуваат под манипулациите и пропагандата на безидејното ВМРО-ДПМНЕ - велат од СДСМ.
Во Република Македонија нема да се градат станови и кампови за бегалци, нема да се даваат државјанства на бегалци, ниту пак ќе се активираат некои други мерки во таа насока. Република Македонија е и ќе продолжи да биде земја на транзит за бегалци и ќе им помага на бегалците во нивниот пат кон крајните дестинации согласно меѓународните стандарди.
Секое поинакво тврдење на ВМРО-ДПМНЕ е лажно и има единствено за цел да шири страв и да го дефокусира вниманието од вистинските потреби на граѓаните - стои во соопштението од центарот за комуникации на СДСМ.
Додади коментар