Фридом Хаус: Македонија со најниска демократија во регионот

Според годишниот извештај на Фридом хаус, „Земји во транзиција 2017“, Македонија има влошена оценка, а демократијата е на речиси ниско ниво колку што била во 2001 година. Освен внатрешната политичка криза, која трае повеќе од две години, за падот на демократијата во нашата земја влијаел и глобалниот раст на популизмот, како и Брегзит и изборот на Трамп.

 

Во извештајот, 1 е најдемократска, а 7 најмалку демократска оценка. Извештајот нагласува дека демократското на владеење во Македонија се влошило, а оценката од 4,75 пораснала на 5,00, поради ескалација на политичката криза предизвикана од претседателските аболиции, недостатокот од политички дијалог и контроверзното и конфликтно функционирање на националните политички институции.

 

Слободата на изборниот процес е исто така намалена, односно оценката од 3,75 преминала на 4,00. Ова е резултат на сериското презакажување на редовните избори и постоењето на изборни нерегуларности, и покрај договорот потпишан во јули 2016.

Судството и неговата независност имаат исто така „подобра“ оценка – од 4,50 на 4,75, поради зголеменото политичко влијание врз судството и опструкциите врз работата на Специјалното Јавно Обвинителство.

 

Корупцијата е подеднакво влошена – пред се поради неказнивоста на случаи на сериозна корупција, за која се откри дека е повеќе присутна одошто се мислеше порано.

Како резултат, демократската оценка на Македонија сега е 4,43, за разлика од минатогодишната – 4.29.

 

Причините за влошувањето на демократската состојва на државата, според извештајот, е исходот од аферата „Бомба“ во 2015 и политичкиот договор од Пржино истата година. Во 2016, Македонија „се најде на политички крстопат“, пишува во извештајот.

 

 Од една страна, државата речиси прогласи неказнивост за сите потенцијални кривични дела откриени во прислушкуваните разговори, а од друга, новововедениот систем на проверки и баланс во извршната власт и правосудниот систем почнаа да покажуваат резултати. Поради тоа, стана понагласена политичката поларизација меѓу владата и опозицијата, како што владејачката елита се трудеше да остане на сила.

 

Статусот на слобода на медиумите на Македонија е – „нема слобода на медиуми“. Во извештајот е забележано и дека државата се уште има контрола над најголем дел од медиумите, што го попречува демократскиот пат на Македонија.

 

Предвидувањата за Македонија во 2017 година, се дека нејзината демократизација и патот до Европската унија ќе зависат на способноста на државата да ги примени системските реформи на најсериозните проблеми.

 

За ова да се случи, Македонија мора да формира стабилна, ориентирана кон реформи влада. Сепак, декемвриските изборни резултати покажуваат дека ова ќе биде тешка задача. Работата на СЈО, која и сега е отежната и опструиранаод политичките центри на моќ, ќе биде многу важна за враќањето на владеењето на правото и повторното разгорување на борбата против корупија.

 

Граѓанското општество, повторно оживеано преку Шарената револуција, може да одигра конструктивна улога доколку и се овозможи простор за акција, се напоменува во извештајот. Локалните избори се очекуваа за првата половина на 2017 година, но може да бидат одложени поради политичката неизвесност, после парламентарните избори во декември.

 

Популистичките победи во Обединетото Кралство и САД го пореметија редот воспоставен после Студената војна и ги зголемија стравовите од нестабилност во Европа и Евроазија, според извештајот за Земји во транзиција 2017, 22-ри по ред за демократија во Балканот, централна и источна Европа и Евроазија.

 

На Балканот, во Македонија, демократската оценка опаднала уште во четири држави, а само две имаат подобра оценка, што го покажува севкупниот тренд на постепено застранување од квалитетот на владеење.

 



Share

Додади коментар