ВМРО-ДПМНЕ во десетгодишното владеење не направи апсолутно ништо во делот на детската заштита - реагираат од ОО на СДСМ Кавадарци по вчерашната прес конференција на ВМРО-ДПМНЕ.
Овде во општина Кавадарци иако ВМРО-ДПМНЕ во тој период имаше централна и локална власт, сепак не успеа да реализира ниту еден единствен проект.
Проекти единствено на хартија, а во реалноста од нив нема ништо.
Рекорден број на деца секоја година чекаа за упис во детска градинка овде во Кавадарци.
Тоа се нивните резултати.
За само две и пол години од страна на Владата предводена од СДСМ, изградени се или во тек е изградба на скоро 70 градинки на територијата на целата држава.
Владата во соработката со општината, овде во Кавадарци инвестираше значителни средства за изградба, доградба или реконструкција на детски градинки.
Започнавме со изградба на нова детска градинка во општина Кавадарци.
Извршивме целосно опремување и адаптација на детската градинка “Буба Мара”.
Направена е доградба и опремување на детските градинки “Снежана” и “Детелинка”.
Oтворивме нова детска градинка во с. Марена.
Извршивме целосна реконструкција и опремување на простор за детска градинка во с. Возарци.
За прв пат нема листи на чекање. Сите пријавени деца се примени во градинка.
Вкупните инвестиции во изградба, реконструкција и опремување на детските градинки во Кавадарци, за период од само две и пол години изнесуваат 57 милиони денари, во споредба со нула денари инвестиции за период на десетгодишното владеење на ВМРО-ДПМНЕ.
Покрај ова ги зголемивме платите на стручниот кадар вработен во детските градинки. Платата на воспитувач со високо образование е зголемена за 5.744 денари, а на негователки во износ од 4.339 денари.
Со зголемувањето на платите, но и со проширувањето на капацитетите и подобрувањето на условите во градинките го враќаме достоинството на овие професии, кои години наназад во владеењето на ВМРО-ДПМНЕ беа целосно запоставувани - стои во писмената реакција од ОО СДСМ Кавадарци, на вчерашната прес конференција од ОК ВМРО-ДПМНЕ.
Додади коментар